ICT ဆိုတာကတော့ Information and Communication Technology ရဲ့ အတိုကောက်ဖြစ်ပြီး စီးပွားရေးသမားတိုင်းအတွက်လိုအပ်တဲ့အရည်အချင်းတစ်ခုဖြစ်ပါတယ်။ ဒီအရည်အချင်းရဲ့အဓိပ္ပါယ်ကတော့ အသုံးချပရိုဂရမ် (Application) အမျိုးမျိုးမှတစ်ဆင့် အခြားသူတွေနဲ့ဆက်သွယ်ပြီး ပူပေါင်းဆောင်ရွက်နိုင်တဲ့စွမ်းရည်ကိုဆိုလိုပါတယ်။ ဒီလုပ်ငန်းသုံးကိရိယာတွေကို အလုပ်မှာနေ့တိုင်းနီးပါးအသုံးပြုတဲ့အတွက်ကြောင့် သင်ပိုမိုအသုံးပြုလေလေ၊ သင်ရဲ့အလုပ်ဟာ ပိုပြီး အကျိုးဖြစ်ထွန်းလေလေဖြစ်ပါတယ်။ သင်အခုအချိန်ထိ သိပ်ပြီးဂရုမပြုမိဘူးဆိုရင်လည်း ပိတ်ရက်တွေမှာ အခြေခံကစပြီး ဘယ်လိုအသုံးပြုရမလဲဆိုတာကိုလေ့လာကြည့်သင့်ပါတယ်။ လာမယ့်ရုံးဖွင့်ရက်မှာ သင့်အားအကူအညီဖြစ်စေမယ့်အချက်တွေကိုသင်တွေ့ကောင်းတွေ့ပါလိမ့်မယ်။
ဒါဆိုရင် ကြည့်လိုက်ရအောင်!!
[Email စီမံခန့်ခွဲခြင်း]
ယနေ့ခေတ်တွင်ကျွန်ုပ်တို့တွင်အမျိုးမျိုးသောဆက်သွယ်ရေးနည်းလမ်းများရှိသော်လည်း Email ကို ကမ္ဘာအနှံ့မှာ အများဆုံးအသုံးပြုနေဆဲဖြစ်ပါတယ်။ သို့သော်လည်း Email Application ကျွမ်းကျင်မှုမရှိခြင်းဟာ သင့်ရဲ့လုပ်ဆောင်နိုင်စွမ်းအပေါ်ဆိုးကျိုးသက်ရောက်စေပါတယ်။ Mail Application တွေအများကြီးရှိတဲ့အတွက် သင့်ရုံးမှာအသုံးပြုတဲ့ Mail ကို ဘယ်လိုအသုံးပြုရလဲဆိုတာကိုသေချာလေ့လာသင့်ပါတယ်။ အဓိကအသုံးပြုတဲ့ Mail တွေအများကြီးရှိပါတယ်။
** application example
MS Outlook
Gmail and G-Suite
HubSpot
Yahoo
[Social Media စီမံခန့်ခွဲမှု]
မြန်မာနိုင်ငံမှာရှိတဲ့ Smartphone အသုံးပြုတဲ့သူအများစုဟာ Facebook ကို နေ့စဉ်နေ့တိုင်းအသုံးပြုကြတာတွေ့ရပါတယ်။ (သင့်သူငယ်ချင်းတွေထဲမှာ Facebook မသုံးတဲ့သူတွေရှိသလား?), ဒါကြောင့် marketing, selling, customer / client supports စတဲ့ စီးပွားရေးရည်ရွယ်ချက်တွေအတွက် ပိုကောင်းတဲ့စွမ်းရည်တွေရှိတယ်ဆိုရင် သင့်ရဲ့အလုပ်ရှင်၊ ဒါမှမဟုတ် Supervisor တွေက အကဲဖြတ်ပြီး စီးပွားရေးအတွက် Official Account ကိုသင့်အားစီမံခန့်ခွဲဖို့ပြောပါလိမ့်မယ်။
အချိန်ကုန်လွန်လာတာနဲ့အမျှ အခြားအပလီကေးရှင်းများကို ယခုအသုံးပြုနေပြီဖြစ်တဲ့အတွက်ကြောင့် သူတို့ရဲ့နောက်ဆုံးပေါ်သတင်းအချက်အလက်(သို့မဟုတ်)အကြံပြုချက်တွေကို သင်လိုက်နာရန်အကြံပြုချင်ပါတယ်။
**application example
Facebook / Messenger
Viber
WhatsApp
LinkedIn
YouTube
TikTok
Instagram
Twitter
[Online အသင်းလိုက် ပူးပေါင်းဆောင်ရွက်ခြင်း]
ကမ္ဘာလုံးဆိုင်ရာ COVID-19 ကူးစက်ရောဂါကြောင့် ကျွန်ုပ်တို့အတွက်အလုပ်လုပ်ပုံစံအသစ်ဖြစ်တဲ့ “ အိမ်မှအလုပ်လုပ်ခြင်း” ဆိုတဲ့စံနှုန်းသစ်ကိုဖြစ်ပေါ်စေခဲ့ပါတယ်။ ကျွန်ုပ်တို့ရဲ့လုပ်ဖော်ကိုင်ဖက်များနဲ့ ထိတွေ့ဆက်ဆံခြင်းတွေကိုရှောင်ရှားဖို့အတွက် ကျွန်ုပ်တို့နေအိမ်မှအလုပ်လုပ်ရန်လိုပါတယ်။ ဒီပုံစံအသစ်ကကျွန်ုပ်တို့ကို အွန်လိုင်းဆက်သွယ်ရေး ဒါမှမဟုတ် ပူးပေါင်းဆောင်ရွက်မှုဆိုင်ရာ Application တွေကိုအသုံးပြုဖို့တွန်းအားပေးပါတယ်။ အကယ်၍ သင်ဟာ အဲ့ဒီ့ Application တွေကို အသုံးမပြုတတ်ဘူးဆိုရင်တော့ သင့်ကြောင့် တခြားလုပ်ဖော်ကိုင်ဖက်တွေအနှောက်အယှက်ဖြစ်ပါလိမ့်မယ်။
**application example
Zoom
Google Drive
iCloud
Dropbox
Slack
Skype
Microsoft Teams
[ထုတ်ဝေခြင်း]
ဘယ်လိုအမျိုးအစားမျိုးပဲနေပါစေသင်စာရွက်စာတမ်းအချို့ပြုလုပ်ရန်လိုအပ်ပါတယ်။ ထုတ်ဝေတဲ့ကိရိယာတိုင်းမှာ သင့်ကိုစိတ်ရှုပ်စေမယ့် အသုံးဝင်တဲ့လုပ်ဆောင်ချက်များစွာရှိပါတယ်။ သို့သော်လည်း ထိုကိရိယာများရဲံအခြေခံနဲ့ အသုံးဝင်သောလုပ်ဆောင်ချက်များကိုသင်လေ့လာပြီးနောက်မှာတော့ မည်သည့်စာရွက်စာတမ်းများကိုမဆို အလွန်ထိရောက်စွာပြုလုပ်နိုင်ပြီး သင့်ရဲ့ထုတ်ဝေမှုများကိုလည်းကောင်းစွာနားလည်လာနိုင်ပါလိမ့်မယ်။ စာရွက်စာတမ်းတွေကို အချိန်တိုအတွင်းမှာ ပိုကောင်းကောင်းလုပ်နိုင်လေလေ၊ သင့်ရဲ့ Supervisor တွေဆီက ယုံကြည်မှုပိုရလာနိုင်ပြီး ပိုစိတ်ခေါ်မှုများတဲ့အခွင့်အရေးတွေကို သင်ကြိုးစားကြည့်လာနိုင်လေလေဖြစ်ပါတယ်။
**application example
MS Word / Excel / PowerPoint / Publisher / Sway
Google Document / Spreadsheet / Slide
Pages / Numbers / Keynote
Adobe Illustrator
Inkscape
Reference: Information and Communications Technology (ICT) Skills
(the balance careers, Website Link: https://www.thebalancecareers.com/information-and-communications-technology-skills-4580324 )