ဒီစွမ်းရည်ဟာ သင့်ရဲ့ စီးပွားရေးနဲ့ အလုပ်အများစုအပြင် သင့်ဘဝကိုတောင်အကျိုးသက်ရောက်မှုရှိစေနိုင်ပါတယ်။ ဒါဟာ တစ်စုံတစ်ယောက်ကို သင်ဘာဖြစ်ချင်တယ်၊ ဘာလုပ်ချင်တယ်ဆိုတဲ့ သင်ပြောချင်တဲ့အရာတွေကိုအလွယ်တကူပြောနိုင်မယ့်စွမ်းရည်တစ်ခုဖြစ်ပါတယ်။ ထို့နောက် သင်ပြောလိုတဲ့အကြောင်းအရာတွေကို အကျဉ်းချုပ်ပြီးလိုရင်တိုရှင်းပြောဖို့လိုပါလိမ့်မယ်။ ဒါကြောင့် ဒီစွမ်းရည်ကို “အဓိပ္ပါယ်ကောက်ယူနိုင်ခြင်းစွမ်းရည်” လို့ခေါ်ခြင်းဖြစ်ပါတယ်။
[အနှစ်ချုပ်စွမ်းရည်တိုးတက်စေရန်လေ့ကျင့်ရေး]
အထက်မှာဖော်ပြသွားသလိုပဲ သင်တစ်စုံတစ်ခုကိုမပြောခင်မှာသင့်ရဲ့အကျဉ်းချုပ်စွမ်းရည်ကိုတိုးတက်အောင်လုပ်ဖို့လိုပါတယ်။ ဒါကြောင့်လေ့ကျင့်လိုက်ရအောင်!
ပထမဦးစွာ Myanmar Times (သို့) မဇ္ဈိမ စတဲ့ သတင်းမီဒီယာများမှသတင်းများကိုဖတ်ရှုနိုင်ပါတယ်။ ထို့နောက်၊ သတင်းမှာပါတဲ့အရေးကြီးတဲ့အချက်သုံးချက်ကိုရွေးချယ်ပြီး မှတ်ချက်များဖြင့် သင့်ရဲ့ Facebook ပေါ်တွင် Share ပါ။ ဒီ့ထက်ပိုပြီးကြိုးစားနိုင်ရင်တော့ သင့်ရဲ့ကိုယ်ပိုင်ထင်မြင်ချက်ကို သင့်ရဲ့ Share Post မှာ ထည့်ရေးလို့ရပါတယ်။ သင်အနှစ်ချုပ်ရေးရန်ယုံကြည်မှုမရှိပါက၊ သင်ရဲ့စာဖတ်စွမ်းရည်ကိုအရင်မြှင့်တင်သင့်ပါတယ်။ သင့်ရဲ့စာဖတ်စွမ်းရည်တိုးတက်လေလေ၊ သင့်ရဲ့ Interpretability စွမ်းရည်ကောင်းလာလေလေဖြစ်ပါတယ်။
[ပြောဆိုခြင်း၏အခြေခံစည်းမျဉ်းများ]
ပြောဆိုခြင်းမှာအခြေခံကျသော်လည်း အရေးကြီးသောစည်းမျဉ်းသုံးခုရှိပါတယ်။
1. သင့်ရဲ့အတွေးကို စကားလုံးများအဖြစ်မပြောလိုက်ပါနဲ့
2. တခြားသူတစ်ဦးရဲ့အတွေးကိုမြင်ယောင်ကြည့်ပါ
၃။ သင်ရော တခြားသူရော နှစ်ဦးစလုံးနဲ့ကိုက်ညီတဲ့ကောင်းတဲ့အရာများကိုပြောပါ
အထက်အချက်များကိုသင်အာရုံစိုက်ပါက သင့်အတွက်သာ ပြောဆိုခြင်းကိုရှောင်ရှားနိုင်ပါလိမ့်မယ်။ တစ်စုံတစ်ဦး က သူတို့အတွက်ရရှိနိုင်မယ့်အကျိုးကျေးဇူးများကိုနားလည်သည်နှင့်တပြိုင်နက် သင်ပြောတဲ့အကြောင်းအရာပေါ်ကို သူ့အလိုလိုရောက်လာပါလိမ့်မယ်။