အဖွဲ့လိုက်လုပ်ဆောင်မှုစွမ်းအားကို အသုံးချရန် ဦးနှောက်မုန်တိုင်း ဆင်ခြင်း (Brain Storming) ‼

21 December 2022

ပြဿနာတစ်ခု၏ အဖြေကို ရရှိရန် အတူတကွလုပ်ဆောင်ခြင်းဖြင့် အောင်မြင်နိုင်ကြောင်း အမြဲ သတိထား ဆင်ခြင် သင့်ပါသည်။ အထူးသဖြင့် အဖွဲ့လိုက်ရည်မှန်းချက်များ အောင်မြင်စေရန် အဖွဲ့လိုက် ဦးနှောက်မုန်တိုင်းဆင်ခြင်း နည်းနာများက အကူညီပေးနိုင်ပါသည်။ သို့သော် ရံဖန်ရံခါတွင် သင်သည် ပြဿနာဖြေရှင်းရာတွင် ဘေးကြပ်နံကြပ် အနေအထားများနိုင် ရင်ဆိုင်ရနိုင်ပါသည်။ သင့်၏လုပ်ဖော်ကိုင်ဖက်များနှင့်အတူ ပြဿာနာများကို ဆွေးနွေးပြီး အကောင်းဆုံး ရလဒ်နှင့် အဖြေများကို ရရှိရန် ဉီးနှောက်မုန်တိုင်းဆင်ခြင်းကို မကြာခဏ ပြုလုပ်သင့်ပါသည်။ စိတ်ပိုင်းဆိုင်ရာ အကြပ်အတည်းကျရောက်သော အခြေအနေများအဆန်းမဟုတ်သော်လည်း။ အုပ်စုလိုက် အတူ တကွ ဖောက်ထွက် စဥ်းစား ခြင်းဖြင့်သာ ခက်ခဲသော အခြေအနေများကို ကျော်လွှားနိုင်မည်ဖြစ်ပါသည်။ ရိုးရှင်းသော်လည်း ဉီးနှောက်မုန်တိုင်းဆင်ခြင်းသည် စိတ်ကူးသစ်များဖန်တီးရန်အတွက် လွန်စွာ အသုံးဝင်သော နည်းလမ်းတစ်ခုဖြစ်သည်။ သင်နှင့် သင့်အဖွဲ့သည် သင်၏ ဖန်တီးမှုအရည်အချင်းများအား အသုံးချရန် လိုအပ်သည့်အခါ သို့မဟုတ် ဆန်းသစ်ပြီး တီထွင်ဖန်တီးမှုရှိသော ဉီးနှောက်မုန်တိုင်းဆင်ခြင်း နည်းလမ်းအချို့ကို လေ့လာနိုင်ရန် ဖော်ပြလိုက်ပါသည်။

ဦးနှောက်မုန်တိုင်းဆင်ခြင်းဟူသည် အဘယ်နည်း

ဦးနှောက်မုန်တိုင်းဆင်ခြင်းသည် Brainstorming သည် လူအများထံမှ ဆန်းသစ်သော စိတ်ကူးစိတ်သန်းများကို ရရှိစေရန် အတွက် မကြာခဏ အဖွဲ့လိုက် ပြုလုပ်သင့်သော နည်းလမ်တစ်ခုဖြစ်ပြီး ကျောင်းနေကလေးများမှသည် ကုမ္ပဏီ အဖွဲ့အစည်းများ၏ အမှုဆောင်များအထိ မကြာခဏအသုံးပြုသည့် နည်းလမ်း တစ်ခုလဲဖြစ်သည်။ ၎င်းသည် ပြဿနာဖြေရှင်းခြင်းလုပ်ငန်းစဉ်တွင် လှုံ့ဆော်မှုနှင့် စိတ်ကူးစိတ်သန်းများကို ထွက်ပေါ်လာစေသည်။ အကြံဉာဏ်ပေးသည့် အပိုင်းတစ်ခုအတွင်း၊ Brain Storming လုပ်ခြင်း တစ်ဖွဲချင်း သို့မဟုတ် သင်တန်းနည်းပြ တစ်ဦးဉီး၏ ကြီးကြပ်မှုအောက်တွင် အတူတကွပူးပေါင်းလုပ်ဆောင်နိုင်ကြပါသည်။
အမျိုးမျိုးသော Brian Storming နည်းလမ်းများ၏ နောက်ကွယ် အခြေခံနိယာမမှာ စိတ်ကူးယဉ်လွန်းခြင်းများ သို့မဟုတ် လက်တွေ့မကျလွန်းခြင်းများကို ထည့်သွင်းဆွေးနွေကြပြီး ပါဝင်ဆွေးနွေးသူများအား လုပ်ငန်းခွင်၏ စည်းမျဥ်းစည်းများကို ကျော်လွန်၍ တွေးခေါ်နိုင်စေပြီး ထူးခြားသော ဖန်တီးနိုင်စွမ်းကို အမှန်တကယ် ထိထိရောက်ရောက် အသုံးချနိုင်စေပါသည်။ အဆင်သင့်ချမှတ်ထားသော လုပ်ငန်းရပ်များကို လုပ်ဆောင် အကောင်အထည် ဖော်ထုတ်မည့်အစား၊ ပါဝင်သူများမှ ရင်ဆိုင်ကြုံတွေ့ရသည့် အခက်အခဲများနှင့် လက်ရှိရင်ဆိုင်နေရသည့် အကြပ်အတည်းများအားလုံး အပေါ်တွင် ဆက်စပ်သူအားလုံးမှ ဉီးနှောက်မုန်တိုင်း ဆင်ခြင်းနည်းလမ်းဖြင့် အချိန်မှီဖြေရှင်းနိုင်ပါသည်။ သဘောတရားဆိုင်ရာ နယ်နိမိတ်များကို ဖယ်ရှားခြင်းသည် အဖွဲ့အား ၎င်းတို့၏ ပူးပေါင်းဆောင်ရွက်မှုအတွင်း ရဲရင့်ပြီး ဆန်းသစ်တီထွင်နိုင်စေရန် အလားအလာကို ပွင့်စေသည်။