အလုပ်ရှင်များ ရှာဖွေမှုအများဆုံး ဝန်ထမ်းများတွင်ရှိသင့်သည့် ထိပ်တန်းစွမ်းရည် (၁)

28 November 2022

ကပ်ရောဂါအလွန်ကာလများ၏ အလုပ်ခွင်များတွင်လိုက်လျောညီထွေ ဖြစ်နိုင်မှုကို ပြန်လည်တည်ဆေက်ရန် မှာ လုပ်ငန်းအဖွဲ့အစည်းများအတွက် အရေးပါသော အချက်တခုလည်းဖြစ်သည်- လုပ်ငန်းခွင် အဖွဲ့အစည်းများအတွင်း အလုပ်လုပ်ဆောင်ပြောဆို ဆက်ဆံရသော နည်းလမ်းများမှာ ခေတ်ကာလနှင့်အညီ ပြောင်းလဲလျက်ရှိနေသည်။ ဟိုက်ဘရစ်လုပ်ငန်းသုံး မော်ဒယ်များ၊ အဝေးထိန်းစနစ်နှင့် ကမ္ဘာလုံးဆိုင်ရာ အဖွဲ့အစည်းများ၊ အွန်လိုင်း ပူးပေါင်းဆောင်ရွက်ရေး ပလပ်ဖောင်းများ အသုံးပြုမှုများ မျက်မှောက်ခေတ်တွင် မြင်သာထင်သာမှုအရှိဆုံးသော အပြောင်းအလဲအချို့သာ ဖြစ်ပါသည်။ သို့သော် ယင်းအဖွဲ့အစည်းများအားလုံး၏ မည့်သည့်လားရာသို့ ရွေ့လားပြောင်းလဲနေသည်ကိုမှု ခန့်မှန်းရန် ခက်ခဲပါသည် ။ ဒစ်ဂျစ်တယ်နှင့် ဉာဏ်ရည်တု (AI) နည်းပညာ ကဲ့သို့ ဖန်တီးမှု အသစ်များ ပေါ်ထွက် ခြင်းသည် အနာဂတ် အလုပ်ခွင်များ၏ ကြီးမားသော အပြောင်းအလဲသို့ တွန်းပို့နေသည်။ ၄င်းနည်းပညာများသည် အချို့သော အလုပ် အကိုင်များကို အစားထိုးလာနိုင်ပြီး လုပ်သား အင်အားအတွက် လိုအပ်သည့် ကျွမ်းကျင်မှုနှင့် စွမ်းဆောင်ရည် အပေါ်၌ အနာဂတ်ကာလများတွင် သိသိသာသာ ပြောင်းလဲ ရိုက်ခတ်လာမည်ဖြစ်သည်။ COVID ကူးစက်ရောဂါသည် ဤအသွင် ပြောင်းမှုကို ပိုမိုအရှိန်မြှင့်စေပြီး အဖွဲ့အစည်း လုပ်ငန်းများ၏ လုပ်ငန်းဆောင်တာများကို အွန်လိုင်း သို့ ပြောင်းရွှေ့စေခဲ့ပါသည်။ သင်၏လုပ်ဆောင်နိုင်စွမ်းကို အနာဂတ်တွင် သက်သေပြနိုင်ရန်၊ ကပ်ရောဂါ လွန်ပြီးနောက် လုပ်ငန်းခွင်တွင် ဆက်လက်လုပ်ကိုင်ပြီး ရှင်သန်ရပ်တည်ရန် လိုအပ်သောကျွမ်းကျင်မှုများဖြင့် သင်ကိုယ်တိုင် မွမ်းမံ ပြင်ဆင်ထားရန် လိုအပ်ပါသည်။ အောက်ဖာ်ပြပါအချက်များမှာ 2022 ခုနှစ်တွင် အလုပ်ရှင်များရှာဖွေသည့် ဝန်ထမ်းများတွင်ရှိသင့်သည့် စွမ်းရည်များဖြစ်ပါသည်။

Soft Skill

1. ဆက်သွယ်ရေး

ဆက်သွယ်ရေးသည် စကားပြောဖြင့်ပြောဆိုဆက်သွယ်ခြင်းနှင့် စာဖြင့် ဆက်သွယ်ဆက်ဆံခြင်း နှစ်မျိုး ရှိပါသည်။ ယင်းနည်းလမ်းနှစ်မျိုးလုံးတွင် အချက်အလက်နှင့် အတွေးအမြင်များကို ထိထိရောက်ရောက် ထုတ်ယူရန်၊ ပေါင်းစပ်နိုင်မှုနှင့် ဆက်သွယ်နိုင်မှုတို့ ပါဝင်နေပါသည်။ မှန်ကန်သော မေးခွန်းများမေးခြင်းနှင့် အီးမေးလ်၊ စာသားမက်ဆေ့ချ်၊ ဖုန်းခေါ်ဆိုမှု သို့မဟုတ် ဗီဒီယိုချတ်မှ သင်လိုအပ်သည့်အရာများကို ထုတ်ယူမှတ်သားထားပြီး လက်ခံနားထောင်မည့်သူထံသို့ ထိရောက်သော အချက်အလက်များပါဝင်သည့် သတင်းစကား သို့မဟုတ် ရေးသားတင်ပြချက်ဖြင့် သင့်အတွေးအမြင်များကို ရှင်းလင်းတိကျစွာ ဖော်ပြ နိုင်ခြင်းတို့ပါဝင်ပါသည်။ အချိန်ကာလတခုကြာသည့်အထိ ဆက်သွယ် ဆက်ဆံရေးကို တာဝန်ယူ လုပ်ကိုင်ရန် မန်နေဂျာများကို အလုပ်ခန့်အပ်တာဝန်ပေးခဲ့ကြပြီး Graduate Management Admissions Council မှ မကြာသေးမီက ပြုလုပ်ခဲ့သော လေ့လာမှုတစ်ခုတွင် နှုတ်ဖြင့်ဆက်သွယ်ခြင်းအရာတွင် ကျွမ်းကျင်လိမ္မာသည့် ဝန်ထမ်းများကို ယနေ့တိုင်ခန်အပ်အသုံးပြုမှု အမျာဆုံးဖြစ်ကြောင်း ဖော်ပြ ထားသည်။

အွန်လိုင်းတွင် အချိန်ပိုကြာရှည်အသုံးချနိုင်သည့်နှင့် မြန်ဆန်သော သတင်း အချက်အလက်ကို ရရှိနိုင်ပါသည်။ အရိုးရှင်းဆုံးနည်းလမ်းဖြင့် နားလည်ခြင်း၊ ခွဲခြမ်းစိတ်ဖြာခြင်းနှင့် မျှဝေခြင်းသည် အောင်မြင် ရန်အတွက် အရေးကြီးသောကျွမ်းကျင်မှုတစ်ခုဖြစ်သည်။

McKinsey & Co မှ ဖော်ထုတ်ထားသည့်အတိုင်း လုပ်ငန်းခွင်တွင် ကောင်းမွန်သော ဆက်သွယ်မှုသည် ဌာနများနှင့် အဖွဲ့များ ကြားချောမွေ့ပြီး အရှုပ်အထွေးကင်းသည့် စနစ်အတွက် အဓိကသော့ချက်ဖြစ်သည်။ ပွင့်လင်းသော ဆက်သွယ်ရေးသည် လူတိုင်း တစ်မျက်နှာတည်းတွင် ရှိနေကြောင်း သေချာစေသည်၊ စိုးရိမ်မှုများအတွက် နေရာပေးကာ ဆွေးနွေးမှုများအတွက် ဘေးကင်းသော နေရာတစ်ခု ဖန်တီးပေးသည်။ အားလုံးပါဝင်ပြီး ပွင့်လင်းသော လုပ်ငန်းခွင်ကို ဖော်ဆောင်ရန်အတွက်လည်း မရှိမဖြစ် လိုအပ်ပါသည်။