လုပ်ငန်းခွင်တွင် ပိုမိုကောင်းမွန်သော အချိန်စီမံခန့်ခွဲခြင်း

6 February 2023


အချိန်စီမံခန့်ခွဲမှုသည် သင့်လုပ်နိုင်စွမ်း စွမ်းဆောင်ရည်ကို အချိန်တိုအတွင်း ထိရောက်စွာ မည်သို့အသုံးပြုရမည်ကို စနစ်တကျ စီမံခန့်ခွဲ ခြင်းဖြစ်ပြီး၊ အချိန်နည်းနည်းပေး၍ ရလဒ်ကောင်းများ ဖော်ဆောင်ပေးခြင်းဖြစ်ပါသည်။ အချိန် ကိုကောင်းမွန်စွာ စီမံတတ်ခြင်းက သင့်ကို အောက်ဖော်ပြပါ ရလဒ်များ ရရှိစေနိုင်ပါတယ်။
၁။ပိုကောင်းတဲ့အလုပ်အရည်အသွေး
၂။စိတ်ဖိစီးမှုနည်းတယ်
၃။မဟာဗျူဟာ သို့မဟုတ် တီထွင်ဖန်တီးမှု
၄။အချိန်ဆွဲခြင်း နည်းပါးခြင်
၅။ကိုယ့်ကိုယ်ကိုယ် ယုံကြည်မှု ပိုရှိလာခြင်း

အခက်ခဲဆုံးအလုပ်ကို အရင်လုပ်ပါ

အကြီးမားဆုံး၊ အခက်ခဲဆုံးနှင့် အရေးကြီးဆုံးအလုပ် ကို ဦးစွာလုပ်ဆောင်ပြီးမြောက်ခြင်းဖြင့် သင်၏ စိတ်ဖိစီး ရမှုများကို လျော့ချပေးနိုင်ပြီး ထိုသို့ပြီးမြောက်ပြီးသည့် နောက်တွင်အခြားဆက်စပ်နေသည့် တာဝန်များကို ပေါ့ပါးစွာနှင့် လုပ်ဆောင်နိုင်သည်။

သဘောသဘာဝအားဖြင့် တူညီသည့် အလုပ်များကိုဖော်ထုတ်ခြင်း

သဘောသဘာဝအားဖြင့် တူညီသည့် အလုပ်များကိုဖော်ထုတ်ပြီး ယှဥ်တွဲလုပ်‌ဆောင်ခြင်းက အချိန်ပိုမိုထွက်လာ နိုင်စေပါသည်။ ဥပမာ: ဗုဒ္ဓဟူးနှင့် ကြာသပတေးနေ့များတွင် ဖောက်သည်အစည်းအဝေးများ၊ နေ့စဥ်မနက် ၁၀ နာရီမှ ၁၁ နာရီအတွင်းသာ အီးမေးလ်များကြောင်းပြန်ကြားခြင်းနှင့် ပေးပို့ခြင်း။ မနက်ခင်းပိုင်းအချိန်များတွင် အရေးကြီးသည့် လုပ်ငန်း အစီရင်ခံစာများ ဖန်တီးဖြန့်ဝေခြင်း များဖြစ်သည်။

သင့်လျော်သောအချိန်ကန့်သတ်ချက်များသတ်မှတ်ပါ

သုံးနာရီသာကြာသင့်သော အလုပ်နှစ်ခုကို ပြီးမြောက်ရန် ၊ တစ်နေကုန် အချိန်ပေးခြင်းမျိုးမဟုတ်ဘဲ ၂ နာရီ သို့မဟုတ် ၁ နာရီခွဲအတွင်း ပိုမိုအာရုံစူးနစ် လုပ်ဆောင်လိုက်ခြင်းက သင့်အား နောက်ဆုံးသတ်မှတ်ချိန် မတိုင်မီ ပြီးစီးရန် အခွင့်အလမ်း ဖြစ်စေပါသည်။