#3 စီးပွားရေးသမားတစ်ယောက်အနေဖြင့်အလုပ်လုပ်ကိုင်ရန်ချဉ်းကပ်မှု

14 January 2021

ဒီစီးရီးမှာပါတဲ့အကြောင်းအရာတွေဟာ စီးပွားရေးသမားတစ်ဦးအနေနဲ့လုပ်ကိုင်ရန်တိကျသောချဉ်းကပ်မှုကိုမိတ်ဆက်ပေးပါတယ်။ ချဉ်းကပ်မှုတိုင်းသည်အလွန်ရိုးရှင်းပြီးအခြေခံကျတဲ့အတွက်ဒီနေ့ကစပြီး သင်လက်တွေ့ကျင့်သုံးနိုင်ပါတယ်။
သင်အလုပ်လုပ်တာမြန်လေလေ သင်ရရှိရန်အခွင့်အလမ်းများလေလေဖြစ်ပါတယ်။ သင်ဟာ အခြားလူငယ်စီးပွားရေးသမားများနဲ့ နှိုင်းယှဉ်လျှင် များစွာဖွံ့ဖြိုးတိုးတက်လာပြီး သင်ကိုယ်တိုင်အတွက်အောင်မြင်မှုရရှိနိုင်ပါလိမ့်မယ်။
 
ဒါဆိုရင်အောက်မှာပါတဲ့အကြောင်းအရာတွေကိုကြည့်လိုက်ရအောင်နော်…  

[အလုပ်လုပ်သောလူသူများအတွက်လေ့လာခြင်းရဲ့ရည်မှန်းချက်မှာရလဒ်ဖြစ်သည်]
အလုပ်လုပ်ကိုင်သောသူတွေဟာ စွမ်းဆောင်ရည်မြင့်မားရန်အမြဲတမ်းလိုအပ်ပါတဲ့အတွက် ကျွန်ုပ်တို့ဟာ စဉ်ဆက်မပြတ်လေ့လာရန်လိုအပ်ပါတယ်။ ဒါ့အပြင် ကျွန်ုပ်တို့လေ့လာသင်ယူထားတာကိုဘယ်လိုကျင့်သုံးနိုင်မလဲဆိုတာကို စဉ်းစားတာက ပိုကောင်းပါတယ်။ သင်ဘယ်လောက်ပဲကြိုးစားလေ့လာပါစေ သင်ခန်းစာတွေကသင့်ရဲ့အောင်မြင်မှုကိုမတိုးတက်စေဘူးဆိုရင် အရာမထင်ပါဘူး။

[သင့်ဦးနှောက်ကိုမြှင့်တင်ပါ]
ကြွက်သားလေ့ကျင့်ခန်းလုပ်ခြင်းကဲ့သို့ပင် ကျွန်ုပ်တို့ရဲ့ ဦးနှောက်ကိုလည်းတက်ကြွစေရန် လုပ်ဆောင်သင့်ပါတယ်။ အထက်မှာဖော်ပြထားတဲ့အတိုင်း လက်တွေ့လေ့ကျင့်တဲ့စာအုပ်များကိုဖတ်ပြီး လိုက်လံလုပ်ဆောင်ရုံဖြင့် ကျွန်ုပ်တို့ရဲ့စွမ်းရည်ကိုတိုးတက်အောင်မလုပ်နိုင်ပါဘူး။ စကားလုံးများကိုအလွတ်ကျက်ခြင်း (သို့မဟုတ်) သင်္ချာကဲ့သို့သောဖြေရှင်းခြင်းနည်းများကို အလေးအနက်စဉ်းစားခြင်းတွေကကျွန်ုပ်တို့ရဲ့ ဦးနှောက်ကိုလှုံ့ဆော်ပေးပါလိမ့်မယ်။ ဒါဆိုရင် The General Theory of Employment, Interest, and Money, John Maynard Keynes ကဲ့သို့ အရမ်းခက်ခဲတဲ့စာအုပ်တွေကိုကြိုးစားပြီးဖတ်ကြည့်လိုက်ရအောင်…

[သင့်အတွက်အလုပ်လုပ်ပေးတဲ့ဆရာကိုရှာပါ]
သေချာတာတစ်ခုကတော့ အဆက်မပြတ်လေ့လာသင်ယူခြင်းက ကျွန်ုပ်တို့ကိုပြောင်းလဲစေပါလိမ့်မယ်။ ဒါကြောင့်ကျွန်ုပ်တို့ကိုဆက်လေ့လာဖို့ကူညီပေးတဲ့ “ဆရာ” ကိုရှာဖို့လိုပါတယ်။ စီးပွားရေးသမားတွေဟာ Business School တွေကသာ သင်ယူမှုစွမ်းရည်အတွက်ကောင်းမွန်တဲ့ရွေးချယ်မှုတစ်ခုဖြစ်တယ်လို့ ထင်မြင်ကြပေမယ်လည်း ၎င်းသည်တစ်ခုတည်းသောရွေးချယ်စရာမဟုတ်ပါဘူး။ ယနေ့ခေတ်မှာ အသုံးဝင်တဲ့ Information တွေကို Online ကနေလည်းရှာဖွေလေ့လာလို့ရတဲ့အတွက် ပိုက်ဆံအများကြီးအကုန်ကျခံစရာမလိုတော့ပါဘူး။ အရေးကြီးတဲ့အချက်က ကျွန်ုပ်တို့ဘယ်လိုဆက်လက်လေ့လာနိုင်မလဲဆိုတာပဲဖြစ်ပါတယ်။ သူငယ်ချင်းတွေ, လုပ်ဖော်ကိုင်ဖက်တွေ, နှီးနှောဖလှယ်ပွဲတွေကနေတစ်ဆင့်လေ့လာသင်ယူပြီး သူတို့ဟာသင်အားစိုက်ထုတ်ဖို့အတွက် အားပေးပါလိမ့်မယ်။ ဒါဆိုရင်သင်ရဲ့အသက်မွေးဝမ်းကြောင်းကိုတိုးတက်စေမယ့် သင်ရဲ့ “ကိုယ်ပိုင် ဆရာ” ကိုရှာလိုက်ကြရအောင်။

 

[Pacemaker အဖြစ်လက်မှတ်စာမေးပွဲများအတွက်လျှောက်ထားပါ]
မြန်မာနိုင်ငံမှာ အသိအမှတ်ပြုလက်မှတ်ရနိုင်တဲ့သင်တန်းတွေ၊ စာမေးပွဲတွေများပါတယ်။ သင်လည်းအဲ့လိုစာမေးပွဲတွေဖြေဖူးမှာပါ။ ဒါပေမယ့်အဲ့လိုစာမေးပွဲတွေကျွန်ုပ်တို့ဘာလို့ဖြေကြတာလဲ? Certificate ရဖို့အတွက်ပဲလား? တကယ်တော့မဟုတ်ပါဘူး။ Certificate က သက်ဆိုင်ရာနယ်ပယ်တွေမှာ အနည်းဆုံးကျွမ်းကျင်မှုအဆင့်ကိုပြပါတယ်။ ပိုအရေးကြီးတာက သင့်အလုပ်မှာ သင်ရဲ့ကိုယ်ပိုင်စွမ်းရည်ကိုဘယ်လိုကောင်းစွာအသုံးပြုနိုင်လဲဆိုတာပဲဖြစ်ပါတယ်။ ဒါဆိုရင် Certification Exam တွေက အသုံးအဝင်ဘူးလား? အဲ့လိုလည်းမဟုတ်ပါဘူး။ Certificate တွေမှာ စာမေးပွဲရဲ့နေ့စွဲရှိတဲ့အတွက် ကျွန်ုပ်တို့ကို လေ့ကျင့်အောင်လှုံ့ဆော်မှုပေးဖို့ Study Plan တွေကိုလုပ်ရမှာဖြစ်တဲ့အတွက် အဲ့ဒါတွေဟာ ကျွန်ုပ်တို့သင်ကြားခဲ့ရတာတွေကိုလေ့ကျင့်ဖို့ အထောက်အကူဖြစ်ပါတယ်။

Reference: 『入社1年目の教科書』(Textbook for freshman)
(Japanese Edition Practical Book, Amazon Link: https://www.amazon.co.jp/o/ASIN/4478015422/diamondinc-22/ )