သင့်အလုပ်စာချုပ်သည် လာမည့်နှစ်များစွာအတွက် သင့်အသက်မွေးဝမ်းကြောင်းကို ဆုံးဖြတ်ပေးပါသည်။ ၎င်းသည် သင့်ဘဝတစ်သက်တာအောင်မြင်မှုအတွက် တစ်စိတ်တစ်ပိုင်းဖြစ်သောကြောင့် သင့်လစာကို ချင့်ချိန်ပြီး ညှိနှိုင်းရန် သင့်လျော်ပါသည်။
သင်စတင်သည့်လစာသည် တိုးပေးသည့်အချိန် သို့မဟုတ် ရာထူးတိုးခြင်းခံရသည့်အခါ မည်မျှကြာမည်ကို ဆုံးဖြတ်သည်ပေးသည့်အတွက် လစာညှိနှိုင်းရေးဗျူဟာများကို သိရှိထားရန်မှာလည်း အရေးကြီးပါသည်။
အလုပ်သစ်တစ်ခုသည် သင်၏နေ့စဉ်ဘဝတွင် အပြောင်းအလဲများစွာကို ဆိုလိုပါသည်။ အခြားသူများ၏ CV ထက်သင့်အားရွေးချယ်ခဲ့ခြင်းသည် သင်သည်လုပ်ငန်းလိုအပ်ချက်နှင့်အကိုက်ညီဆုံးကြောင့်ဖြစ်သည်ကို အလုပ်ရှင်များသိရှိထားသောကြောင့်ဖြစ်သည်။
ကိုယ်လိုချင်တဲ့လစာကို ဘယ်အချိန်မှာ တောင်းဖို့ သင့်တော်မလဲ။
လစာညှိနှိုင်းမှုမပြုလုပ်မီ၊ တရားဝင်အလုပ်ကမ်းလှမ်းမှုကို စောင့်ရန်လိုအပ်ပါသည်။ အလုပ်ကမ်းလှမ်းမှုသည် အောက်ပါအချက်များပါရှိသော စာရွက်စာတမ်းတစ်ခုဖြစ်ပါသည်။
● ဝာာဝန်ဝတ္တရားများဖော်ပြချက်
● ရာထူးအမည်
● စတင်ရက်စွဲ
● ခံစားခွင့်များရှင်းလင်းချက်
● လစာ
အောက်ပါအချက်များနှင့်ကိုက်ညီနေပါက လစာညှိနှိုင်းရန်လိုအပ်သည်ဟု တွေးနိုင်ပါသည်။
ပြောင်းရွှေ့ခြင်း၊ ခရီးနှင်ခြင်းနှင့် ဆက်လက်ပညာသင်ကြားခြင်း စသည့်အချက်များသည် အခန်းကဏ္ဍသစ်တစ်ခုတွင် ပါဝင်ရန် ဆုံးဖြတ်ခြင်းရှိမရှိတွင် ကြီးမားသော အခန်းကဏ္ဍမှ ပါဝင်ပါသည်။
သင်သည် လက်ရှိတွင် အိမ်မှအလုပ်လုပ်နေသော်လည်း အလုပ်သစ်တွင် နာရီဝက်ကြာသော ကားစီးရန် လိုအပ်သည်လာပါက ခရီးစရိတ်များအားထည့်သွင်းစဥ်းစားရန်လိုအပ်လာမည်ဖြစ်သည်။ ကုမ္ပဏီများစွာသည် ၎င်းတို့၏ဝန်ထမ်းများအား ကောလိပ်သင်တန်းများ သို့မဟုတ် ကျွမ်းကျင်မှုတည်ဆောက်ရေးပွဲများမှတစ်ဆင့် ၎င်းတို့၏ပညာရေးဆက်လက်သင်ယူရန် အခွင့်အလမ်းများကို ပေးပါသည်။ အလုပ်အသစ်သည် လုပ်ငန်းနယ်ပယ်အတွင်း သင့်ယှဥ်ပြိုင်နိုင်စွမ်းကိုထိခိုက်စေပါက လစာကို ညှိနှိုင်းရန် လိုအပ်ပါသည်။
အတွေ့အကြုံသည် ကွဲပြားခြားနားမှုအားလုံးကို ဖြစ်စေပါသည်။ ၎င်းတို့၏ အတွေ့အကြုံ မြင့်မားမှုကြောင့် အတွေ့အကြုံရင့် ဝန်ထမ်းတစ်ဦးကို ပိုမိုလစာတိုးပေးရန် ကျိုးကြောင်းဆီလျော်သော မျှော်လင့်ချက်တစ်ခု ရှိပါသည်။
အကယ်၍ သင်သည် အတွေ့အကြံုဆယ်နှစ်ရှိပြီဖြစ်ပြီသော်လည်း ကုမ္ပဏီ၏ အဆိုပြုချက်သည် အတွေ့အကြုံငါးနှစ်ကိုသာ ထင်ဟပ်စေမည်ဆိုပါက သင်၏အရည်အချင်းများကိုစစ်ဆေးပါ၊ သင်တန်ဖိုးကိုကြည့်ကာ ထိုက်တန်သော လစာအားညှိနှိုင်းနိုင်မည်ဖြစ်ပါသည်။
တစ်ခါတစ်ရံတွင် လစာနည်းပါးခြင်းသည် ၎င်းတို့၏ဝန်ထမ်းများအား အံ့မခန်းအကျိုးခံစားခွင့်များပေလိုသည့် ကုမ္ပဏီတစ်ခု၏ဆန္ဒများရှိနေနိုင်ပါသည်။ အဆိုပြုထားသောလစာကိုစစ်ဆေးပြီး ဆေး၊ သွားဘက်ဆိုင်ရာ၊ အမြင်အာရုံနှင့် အငြိမ်းစားယူခြင်းကဲ့သို့သော အကျိုးကျေးဇူးခံစားခွင့်များနှင့် ချိန်ညှိကာ လစာညှိနှိုင်းခြင်းအား ဆောင်ရွက်နိုင်ပါသည်။