လုပ်ငန်းခွင်ဖွံ့ဖြိုးတိုးတက်မှုပန်းတိုင်များသတ်မှတ်ခြင်းသည် သင့်အသက်မွေးဝမ်းကြောင်းကို တိုးတက်စေခြင်း၏ အရေးကြီးသော အစိတ်အပိုင်းတစ်ခုဖြစ်သည်။ သင့်ရည်မှန်းချက်များသည် လုပ်ငန်းခွင်တွင် ပိုမိုအကျိုးဖြစ်ထွန်းစေရန် သို့မဟုတ် ကော်ပိုရေးရှင်းတစ်ခု၏ CEO ဖြစ်လာရန်ဖြစ်စေ၊ သင်နေ့စဉ်လုပ်ဆောင်နိုင်သော အကောင်အထည်ဖော်နိုင်သောပန်းတိုင်များကို သတ်မှတ်ခြင်းသည် ထိုပန်းတိုင်သို့ရောက်ရှိနိုင်ရန် တစ်ခုတည်းသောနည်းလမ်းဖြစ်သည်။
ပရော်ဖက်ရှင်နယ်ဖွံ့ဖြိုးတိုးတက်ရေးပန်းတိုင်များသည် အဘယ်အရာဖြစ်သည်၊ အဘယ်ကြောင့်အရေးကြီးသနည်းကိုသိရှိနားလည်ထားရန်လည်း လိုအပ်ပါသည်။
ပရော်ဖက်ရှင်နယ်ပန်းတိုင်များသည် သင့်အသက်မွေးဝမ်းကျောင်းမှုတိုးတက်စေရန်နှင့် လုပ်ငန်းခွင်အရည်အချင်းများနှင့် စွမ်းဆောင်ရည်များတိုးမြင့်လာစေရန် အာရုံစိုက်ထားသည့် သင်ချမှတ်ထားသောပန်းတိုင်များဖြစ်သည်။ သင့်လုပ်ငန်းခွင်တွင် အောင်မြင်မှုပိုမိုရရှိစေရန် သင်ချမှတ်နိုင်သော ဖွံ့ဖြိုးတိုးတက်ရေးပန်းတိုင်များစွာရှိပါသည် ။ရည်မှန်းချက်များသည် ကျွမ်းကျင်မှုအသစ်များကို သင်ယူခြင်း၊ ဒီဂရီအသစ်များ သို့မဟုတ် အသိအမှတ်ပြုလက်မှတ်များရယူခြင်း၊ နယ်ပယ်တစ်ခုတွင် အတွေ့အကြုံပိုမိုရယူခြင်း၊ သင့်လုပ်ငန်းခွင်သို့ ပြောင်းရွှေ့ခြင်းနှင့် သင်၏အသက်မွေးဝမ်းကြောင်းလုပ်ငန်းကို တိုးတက်စေရန်နှင့် သက်ဆိုင်သည့် အခြားရည်မှန်းချက်များအတွက် ရည်ရွယ်ခြင်းများနှင့် ဆက်စပ်နိုင်သည်။
လူတော်တော်များများက နောက်နှစ်မှာ ဘာလုပ်ချင်လဲ သို့ပေမယ့် ရေရှည်အသက်မွေးဝမ်းကြောင်းပန်းတိုင်က ဘာလဲဆိုတာကိုတော့ တွေးထားသူအတော်နည်းပါတယ်။ ငါးနှစ် ဒါမှမဟုတ် ဆယ်နှစ်ဆိုရင် ဘာဖြစ်ချင်လဲစတဲ့ရည်မှန်းချက်များ ချမှတ်ခြင်းသည် သင့်ရေရှည်ဆန္ဒကို သိရှိစေနိုင်ပြီး ထိုဆန္ဒများကို အကောင်အထည်ဖော်ရန် စတင်လုပ်ဆောင်စေသည်။
သင့်အား ပိုမိုကောင်းမွန်လာစေရန်နှင့် ကွဲပြားခြားနားသောနည်းလမ်းသစ်များဖြင့် ဖွံ့ဖြိးလာစေနိုင်ပြီး ပိုမိုကောင်းမွန်သော ကျွမ်းကျင်မှုများဖြစ်လာစေကာ သင်၏အသက်မွေးဝမ်းကြောင်းတွင် ပို၍ပင်အောင်မြင်စေမည်ဖြစ်သည်။
အလုပ်ရှင်များသည် ၎င်းတို့၏ အလုပ်အကိုင်နှင့် ၎င်းတို့၏ အသက်မွေးဝမ်းကြောင်းဆိုင်ရာ တိုးတက်မှုအတွက် ရည်စူးထားသော ဝန်ထမ်းများကို အလွန်တန်ဖိုးထားပါသည်။ တစ်နေ့တာ အလုပ်တာဝန်တွေကို ပြီးမြောက်အောင် ရိုးရှင်းစွာပြသမယ့်အစား သင်လုပ်တဲ့အရာကို ပိုကောင်းအောင်လုပ်ဖို့ အချိန်ယူခြင်းက သင့်အလုပ်ရှင်အပေါ် အပြုသဘောဆောင်တဲ့ အထင်ကြီးမှုကို ဖြစ်စေပြီး သင့်အဖွဲ့အစည်းအတွင်း တိုးတက်ဖို့ တံခါးဖွင့်ပေးနိုင်ပါတယ်။
ရည်မှန်းချက်ပန်းတိုင်တစ်ခုရှိထားခြင်းဖြင့် လုပ်ငန်းခွင်တွင်း စိတ်အားထက်သန်မှုကို မြှင့်တင်ပေးနိုင်ပါသည်။ သေးငယ်သည့်တိုင် တိုးတက်မှုများက သင့်ကို တွန်းအားပေးပြီး အလုပ်ပြီးမြောက်ရန် စိတ်အားထက်သန်စေနိုင်သည်။
● အဆုံးသတ်ပန်းတိုင်ကို ဆုံးဖြတ်ပါ။
● တိုးတက်မှုအားသံသယဝင်လာပါက သင်၏နောက်ဆုံးစွမ်းဆောင်ရည်သုံးသပ်ချက်ကို ကိုးကားပါ။
● SMART (Specific, Measurable, Achievable, Relevant, and Time-bound) နည်းလမ်းအား အသုံးပြုပါ။
● အသေးစားပန်းတိုင်များအဖြစ် ခွဲခြမ်းချမှတ်ပါ။
● တိုးတက်မှုအားစဥ်ဆက်မပြတ်သုံးသပ်ပါ။