ကုမ္ပဏီများ training program များပို့ချသောအခါ များသောအားဖြင့် ထုတ်ကုန်များတိုးအောင် သို့မဟုတ် နေ့စဉ်လုပ်ငန်းစဉ်များတိုးတက်စေဖို့ technical-skill များကို ဦးစားပေး၍ ပို့ချပေးလေ့ရှိပါတယ်။
ဒါပေမဲ့ soft-skillများဟာ career တိုးတက်စေဖို့ မရှိမဖြစ်လိုအပ်သော အရည်အချင်းများဖြစ်ပါတယ်။ အထူးသဖြင့် ခေါင်းဆောင်မှုတာဝန်ယူထားသောသူများအတွက်ပိုမို၍ အရေးပါလှပါတယ်။ ဒီနေ့မှာတော့ ခေါင်းဆောင်မှုအရည်အချင်းများတိုးတက်စေဖို့ soft-skill ၅ခုကို ဖော်ပြပေးသွားပါမယ်။
(၁) Communication (ဆက်သွယ်ပြောဆိုခြင်း)
အောင်မြင်သောခေါင်းဆောင်တစ်ဦးဟာ မိမိ စီးပွားရေးနှင့် လက်အောက်ငယ်သားများကို ဘယ်လို ထိရောက်စွာပြောဆိုရမလဲဆိုတာကို သိမြင်ကြပါတယ်။ Business Communication ကိုအထူးပြုသော သင်တန်းများဟာ သင့်ရဲ့ပြောဆိုဆက်ဆံခြင်းပညာသာမက လူအများအလည်တွင် ဘယ်လိုပြောဆိုဆက်ဆံပြောဆိုရမလဲဆိုတာကိုပါ သိမြင်လာစေပါတယ်။
(၂) Collaboration (ပူပေါင်းဆောင်ရွက်ခြင်း)
ဝန်းထမ်းတစ်စုကို ဌာနတစ်ခုထဲတွင် ပေါင်းထားလိုက်ခြင်းဖြင့် ကောင်းမွန်သော team တစ်ခုကို မရရှိနိုင်ပါဘူး။ team တစ်ခုရဲ့ အရေးကြီးသော အစိတ်အပိုင်းတစ်ခုကတော့ တာဝန်များကိုထိရောက်စွာပိုင်းခြားပြီး ပေးအပ်ခြင်းဖြစ်ပါတယ်။ အဖွဲ့သားတစ်ဦးတစ်ယောက်ချင်းဆီရဲ့ အားသာချက်နှင့် အားနည်းချက်များကို သိမြင်ပြီး အလုပ်တာဝန်များကို ကောင်းမွန်သောရလဒ်များရအောင် ပြုလုပ်လို့ရပါတယ်။
(၃) Decision-Making (ဆုံးဖြတ်ချက်ချခြင်း)
စီးပွားရေးနဲ့ပတ်သတ်သော ဆုံးဖြတ်ချက်များဟာ ခေါင်းဆောင်တစ်ယောက်အတွက် ကြီးမားသော စိန်ခေါ်မှုများဖြစ်တယ်။ အတွေးလွန်ခြင်း၊ သေးမွားသော ကိစ္စများထိ အာရုံစိုက်ခြင်း၊ အလုပ်များအတွက် ထိကျသေချာသော အချိန်စာရင်း မရှိခြင်း၊ တွေ့ကြုံသော အခက်အခဲများပေါ် စွဲလန်းခြင်း တို့ဟာ သင့်ရဲ့ဆုံးဖြတ်ချက်များကို ဝေဝါးစေပါတယ်။ ထို့ကြောင့် စီးပွားရေးဆုံးဖြတ်ချက်များကို တိကျသေချောသောအချက်အလက်များကိုသာ ကြည့်ရှုပြီး ချမှတ်လိုက်ပါ။
(၄)Employee Empowerment (ဝန်းထမ်းများ၏ စွမ်းဆောင်မှု)
အရေးပါဆုံး အချက်တစ်ခုဖြစ်ပြီး များသောအားဖြင့် မေ့လျော့နေလေ့ရှိပါတယ်။ ခေါင်းဆောင်မှုအရည်အချင်းဆိုတာ ဝန်းထမ်းများ၏စွမ်းဆောင်မှုများကို ကောင်းစွာစီမံခန့်ခွဲ၍ အလုပ်များကိုပြီးမြောက်အောင် ပြုလုပ်ခြင်းဖြစ်ပါတယ်။ ထို့ကြောင့် မိမိဝန်းထမ်းများရဲ့စွမ်းဆောင်မှုတွေကို မေ့လျော့မနေပါနှင့်။
(၅) Compassion (ဂရုဏ)
ဂရုဏတရား မရှိဘဲခေါင်းဆောင်ခြင်းဟာ ပြဿနာတော်တော်များများကို ဖြစ်ပွားစေပါတယ်။ ဒီလိုလူမျိုးတွေ ခေါင်းဆောင်ခြင်းဟာ ဝန်ထမ်းများကို စိတ်ဓာတ်ကျစေခြင်း၊ အကြောက်တရားကြောင့် အမှားများဖုံးကွယ်ခြင်း၊ ယုံကြည်မှုပျောက်ကွယ်ခြင်း စသော စိတ်ပိုင်းဆိုင်ရာဝေဒနာများအား ဖြစ်ပေါ်စေပါတယ်။ ထို့ကြောင့် ဂရုဏထားခြင်းဟာလဲ ခေါင်းဆောင်ကောင်းတစ်ယောက်အတွက် မရှိမဖြစ်သော အရည်အချင်းတစ်ခုဖြစ်ပါတယ်။